Potomitan

Site de promotion des cultures et des langues créoles
Annou voyé kreyòl douvan douvan

KREYOLAD 838

Kontravansion mas

18. Septembre 2020

Jid

masques

An randonè té ped dimanch jik oswè pa asou Lalma. Alé maché an bwa sa bien bel, mé fok pran pokosion avan tout bagay. Erezdibonnè sé té yich an gid montay, i ritrouvé ich-li.

Mé sé motar-la pa ni otan chans apré yo téré yonn sanmdi bonmaten Omaren, sanmdi oswè ni anlot pa koté Gwo-Mòn ki ped ta’y-la.

Epi larantré-a ousédi non selman ni anboutéyaj, mé sikilasion moto ka pran fè. Epi zafè COVID-la fok pran plis pokosion pas ou sé di viryis-la ka simerjé ankò plis. Yo anonsé Gwadloup an wouj é nou pa té ké lwen. Anlo polémik asou zafè pòté mas-la.

Ni moun ka rifizé karektèman pas yo ka di, yo pa an kannaval. (Menmsi an kannaval yo pa ka pòté mas, yo ka pito dézabiyé) mé akondi Momo glison!

Ni dot ka trapé bab, lè moun pa ka pòté mas-la bienkonmifo. Gouvelman té blijé mennasé moun épi lanmann. Ajtelman sé 135 éro lè ou pa ni mas-ou. An konpè Adjilbè péyé 135 éro pas misié té ka pòté mas-la anba manton’y. Yo di’y péyé lamenm obensinon i ka majoré. Menmsi misié ped travay-li épi COVID-la poch-li vid i té oblijé mandé prété. Lè ou piti fout ou ka pran fè.

Manmay annou pa ba léta lajan, annou mété mas-la, lavé lanmen nou, pa kon Pons Pilat, mé kon moun ki lé protéjé kò-yo.

Jid

Bel poveb kréyol 578

«Lapo kochon, sé manman Félisité».

*

Sommaire Kréyolad

 Viré monté

 

Viré monté